Marianne Günl

Ebbes übr mi

 

Im scheana Krumbach bin i geboara,

von Beruf bin i Volksschualleahre woara.

Mei geliebtes Schwäbisch han i nia abglegt,

des Ländle dau hanna, han i von Afang a gmegt.

 

Mein Schatz han i scho en dr Schual kennaglernt:

Sportlich war´r - ond fir sei Band han i gschwärmt!

Seitdeam isch scho viel Wassr d´Kamml nagloffa,

bis iatzt han i no koin bessra Ma troffa.

 

Zwoi groaße Kendr hamr, auf dia semr stolz

ond Enkala, wia kots anderscht sei, aus´m gleicha Holz!

Dau riahrt sich ebbes, des ka i uich saga,

abr dau dribr will i mi gwieß it beklaga!

 

D´Viecher ond d´Pflanza hand mi scho oft inspiriert,

etliche Stonda han i dia scho studiert.

Dussa sei ond laufa macht da Kopf miar frei,

dau ka vorher scho allz megliche gwest sei.

 

Schwimma, senga, näha, stricka ond leasa,

send allawei scho meine Hobbies gweasa.

Des send it grad weanig. I merk des au:

Oft muaß i zemlich friah aufstauh!

 

Kendr ond Schialr auf ihram Weag begleita,

brengt zom Klenga meine innare Saita.

Ond wenn i nau no Zeit zom Sinniera hau,

nau bin i zfrieda. Nau ka ma´s lau!